Sojak duduk Klate, den dah pandai dan goma makan lomak daging. Tak kiro la lombu ko, kambing ko. Kalau daging masak goreng ko, krutub ko, gulai ko, kompom den cari tang lomak dulu. Den timbo, den kaih nak dapek an lomak. Ponyakit tbaru den kek sini skang ni.
Maghin poie pasar Cabang Tigo kek Pengkalan Chepa. Mintak boli lomak lombu. Peniago tu bungkus dan suruh hambek. Tak payah bayar. Hadiah kato eh.
"Ni buke sedekah. Pasa demo ado pitih. Tapi kawe hadiah."
Osah gilo orang niago kek sini. Cano nak kayo, ntah.
Minggu lopeh punyo lopeh den poie kodai. Kodai dokek ngan Kolej Mara. Ghamai la anak dagho lawa2 kek kodai tu. Den plak lupo pakai gigi palsu. So, den kaver la mulut jangan kasi ngango. Tapi mato tak lopeh usha sekor by sekor. Niat an tgk ciptaan tuhan. Ostad Wan Ji koba manusio ciptaan Allah yang cantik.
Duo tigo ekor ingat den sonyum kek dio. Komain manih diorang baleh sonyuman den. Stakat Dewan Ulama PAS la, kompom cair berpoligami punyo. Koghek anu Jean Francois den berani jamin. Den pon songeh la balik. Boghubah ghoman masing2 den cakap kau. Sojo yo sakek budak2.. Warghh kah3...
Bini den tak poso hari ni. Kono enjeksyen kek misi klinik ngandung. Nak cari nasik tongah hari punyo la payah. Jumpo 1 kodai. Pantun punyo pantun dia hanyo nak jua lauk yo dulu. Nasi kono tunggu puko 3 kang. Niago kono amanah kato eh. Apo gilo bona ni.. Nak kono nanak nasik plak lopeh nih. Den nak cari kawan2 yang tahu kodai dunio la. Kodai akhirat tak bleh harap.
1 komentar:
lu pegi tanya bebudak keje bat umah...... dia orang tau la mana port jual nasi tengahari.....
Post a Comment